حقيقي قدرت تنساني ؟

ومديتلك
إيديه بلهفة المشتاق
حبيبي ارجعلي من تاني
كفاية فراق
وليه الخطوة ليه واخداك
وليه ناسي
وليه هاين
عليك قلبي اللي بيقاسي
يقضي العمر يستناك
ومش واثق
تحن ف يوم
ويرجع نبضك العاشق
وآه من قسوتك وجفاك
وآخرتها ؟
غلبت معاك
في رحلة اخترت سكتها
مافكرتش
للحظة تفوتني وتفارق
وبعنادك
تبدد كل أحلامي
حقيقي قـدرت تنســاني ؟
وتنفض م الغرام قلبـك ؟
وآه من دمعتي ف بعـدك
قدرت ازاي تكون وحدك
وتهرب م اللي كان بينــا
وطالت ليه سنين صــدك
يا راشق في الفؤاد حبك
تعبني الشوق
وقلبك ليه ما بيحنش
بيسرح فكري ليل ونهار
وبينا جراح على الأيام
ما بتخفش
ساعات أصـرخ
ساعات أســكت
ودمعي ف عيني ما يجفش
ونفس الضحكة فاكراها
ملامح وشـك الصافيــــة
ولهفة ف قلبي شـايلاها
قريتها ف نظرتي الدافية
وقصة حب بالأشواق
غزلناها
فاكرها انت
فاكر إمتى ؟
يا ريت يوم أقدر انساها
يا ريت يوم أقدر أنساها