ياحبيبي حبك اللي ساكن وسط الحنايا

ياحبيبي حبك اللي ساكن وسط الحنايا

--------------------------------------------------------------------------------

بسم الله الرحمن الرحيم




ياحبيبي حبك اللـي ساكـن وسـط الحنايـا
ساكن وسط الضماير لحظه الحـب ومثولـه
ياحبيبـي لاتخجلـنـي ببسـمـات الثنـايـا
وانت تعرفني اضيع بنظره العيـن الخجولـه
والخلايا في عروقي ترتجـف كـل الخلايـا
من غرامك ترتعش لك بنظره العين القتولـه
بس بالتالي عرفتـك يـوم سويـت السوايـا
كيف تخدع من يحبك وما عطى غيرك قبوله
غرني لمعه غرورك وخلت بك بعض النوايا
لين نفسي اقنعتني وقلت عاذل مـن عذولـه
وشفت وجهك ماتغير نفس شكلـك والحلايـا
كيف غيرت الطبايع بس كيف بهـا السهولـه
من عرفتك مخلص لك ماحصل مني خطايـا
وانت في درب الخطيه روحت رجلك عجوله
وش علامك ياحبيبي قمت تطعن في حشايـا
كنك موصي بطعني ولك على الطعنه عموله
تنثر همومك بقلبي في الوريد وفـي الزوايـا
لين زاد الهم فينـي وانتخـي للـي يزولـه
وطبعك التافه عرفتـه ابتعـد بـان الخفايـا
ابتعـد مابـي كلامـك مابـي شـي تقولـه
نفسي ما ترضى الهزيمه رغم عذبات السجايا
وفيه في قلبي مواقع تحتدم فيهـا الرجولـه
لا تحسبن ان التبسم لو حصل بعض الهدايـا
يمتلك قلب المخضرم قلبي ما تقـدر تنولـه
ولو تنول اللي تنوله نلت مـن قلبـي بقايـا
ونلت انا النصر المظفر في ميادين البطولـه